Dismayado ro sangka lola matapos nga uwa naeakip ro anang pangaean nga makabaton it UCT ukon unconditional cash transfer.
Nagakahangawa si Linda Dela Cruz it Brgy. Fulgencio Sur, Balete nga sa kaabuon kanda nga mga senior citizen sa andang barangay hay imaw eamang ro uwa idto sa listahan.
May kaangtanan kara, nagkutana sigon imaw sa andang Municipal Social Welfare and Development Office ukon MSWDO kon siin may ginfil-apan gale nga form halin sa bangko para makaangkon it cash card.
Apang, ham-an it imaw eamang ro uwa rason nga ginpakamayad nana nga ipaabot raya sa taeatapan it Bombo Radyo agud nga mataw-an it sabat ro anang mga kutana.
Nasayuran nga ro makabaton it UCT hay ro mga kwalipikadong senior citizen pensioner nga nagabalor raya it masobra sa P4,000 pesos
