KALIBO, Aklan—Kasunod it naging inisyatibo it lokal nga gobyerno nga makaangkon it Professional Regulation Commision ukon PRC mobile service sa banwa it Kalibo, insigida raya nga gin-avail it sangka maestra.
Si Erica May Raquin, manugturo sa Balete Integrated School hay sambilog sa mga ginatos nga nagpa-appointment agud nga maka-avail sa serbisyo it PRC.
Imaw hay nagpa-duplicate it professional identification card kon sa siin bentaha sigon raya para kana bangud nga uwa eon imaw nagbyahe paadto sa syudad it Iloilo.
Bentaha sigon raya sa mga kapareho nanda bangud nga inde eon nanda kinahang-ean nga magbyahe it aga-aga para eamang sa andang transaksyon sa PRC.
Ro nasambit nga PRC mobile service hay magabuhay hasta sa adlaw it Sabado Enero 28 umpisa alas-8:00 it agahon hasta alas-5:00 it hapon.
