KALIBO, Aklan—Ninahan ro sangka motorista matapos nga maaksidente sa anang ginamaneho nga motorsiklo bandang alas-9:00 it gabie sa Brgy. Aquino, Ibajay.
Ro driver hay ginkilaeang si Jocel Bugoy, 30-anyos ag residente it Brgy. Sta. Ana, Pandan, Antique.
Sa inisyal nga imbestigasyon it Ibajay PNP, sumunggab raya sa sangka signages sa underconstruction nga karsada.
Halin sigon sa Brgy. Aslom sa nasambit nga banwa ro driver kon siin pag-abot sa nasambit nga lugar hay uwa kara nataeopangdan ro signage nga gintunaan it anang pagkaaksidente.
May kadasigon sigon ro pagpamaneho ni Bugoy sa anang behikulo ag una pa raya sa idaeom it impluwensya it aeak kat madisgrasya.
Ro nasambit nga motorista hay insigida man nga nadaea sa ospital kon siin imaw sa makaron naka-confine para sa anang nagakaigong pagbueong.
