-- ADVERTISEMENT --
KALIBO, Aklan—Nagaabot sa kabilugang P580,000 pesos ro balor it nakulimbat nga alahas ag assorted perfumes it manakaw sa sangka panimaeay sa may Margarita St. Brgy. Poblacion, Banga.
Ginkilaea ro tagreklamong si Loyd Indilible, 50-anyos ag residente it nasambit nga lugar.
Base sa report, pag-abot it mag-asawa halin sa Metro Manila hay nakibot ro mga raya nga nagkalhit ro andang mga kagamitan sa masters bedroom kon sa siin uwa eon ro andang mga alahas.
Ginasugid nga ginransak ro andang baeay it uwa pa makilaea nga mga suspek.
Ro insidente hay ginpakamayad nga iparecord it pamilya para sa nagakaigong imbestigasyon it pulisya.
-- ADVERTISEMENT --
