-- ADVERTISEMENT --
KALIBO, Aklan–Nagapadayun ro imbestigasyon it Bureau of Fire Protection (BFP) sa banwa it Malinao matapos nga masunog ro sangka panimaeay sa Brgy.Banay-banay mga bandang alas-9 ro pang-orason kabie.
Suno kay FO1 PJ Juanica it BFP-Malinao, ro nasambit nga panimaeay hay ginapanag-iyahan ni Gina Ibserna, 51 anyos ag residente it nasambit nga lugar.
Owa sigon ro tag-ana it baeay kat matabu ro insidente.
Base sa imbestigasyon, maghalin ro sunog sa atop it panimaeay maeapit sa andang dapog.
Nasayuran nga ro nasunog nga baeay hay himo sa concrete ag light material.
-- ADVERTISEMENT --
Indi pa matumod ro danyos sa natabu nga sunog ,kun sa siin nagapapadayun pa ro imbestigasyon it mga otoridad para sa nagakaigo nga disposisyon.
