KALIBO, Aklan—Ginahangaan makaron ro sangka pitong dag-on nga ongang babaye bangud sa ginpakita nana nga malasakit sa anang lola.
Si Hailie Crishane Teocson hay nagbirthday ko July 9 kon sa siin imbes materyal nga bagay ro anang pangayuon bilang wish sa anang birthday hay ginwish nana ro mayad nga pang-eawason kamana man agud nga makakita it malinaw ro anang lola.
Suno sa anang tatay nga si Ihron Christian Teocson, sa batang edad ni Hailie hay uwa nanda gin-ekspektar ro ginhambae it andang onga kon sa siin mabuhay pa raya antes nga nakasabat sa pangutana kana bangud nga sigidas ro anang pagtinangis.
Eubus sigon ro andang pasaeamat nga may manami nga pamatasan ro andang mga onga kon sa siin uwa gid nanda ginaeauman nga tuman ro anang kabaeaka sa anang lola.
Maskin nga kilaea nanda nga sweet ag thoughtful ro andang mga onga hay iba gid-a kon mismo ro onga eon ro nagahambae ag nagapakita it andang pagmalasakit sa pamilya ag maging sa ibang tawo.
