-- ADVERTISEMENT --
KALIBO, Aklan—Patay ro sangka miyembro it pulisya matapos nga maaksidente ro ginamaneho nga motorsiklo sa national highway nga sakop it Brgy. Bacan, Banga.
Ginkilaea ro driver nga si Patrolman Genard Cezar, sa legal nga edad, residente it Sitio Cagban, Brgy. Manoc-manoc sa isla it Boracay apang presenteng naka-assign sa Nabas Municipal Police Station.
Base sa inisyal nga imbestigasyon it pulisya, paadto kunta sa banwa it Libacao ro biktima apang aksidente raya nga sumunggab sa barikada sa under construction nga karsada sa nasambit nga lugar.
Bangud kara, nakaangkon it fatal nga lastro sa ueo ag iba pang parte it kaeawasan ro police officer nga gintunaan it anang hinali nga kamatayon.
