KALIBO, Aklan—Posibleng pagapatungan it nagakaigo nga disciplinary action ro sangka patrolman sa probinsya it Aklan matapos nga maaktuhan nga naga-imbolbar sa pagbueang.
Suno kay PMaj. Willian Aguirre it Provincial Intellegence Unit nga owa gina-tolerate it Philippine National Police ro mga katapo it otoridad nga naga-eabag sa andang pagsinueondan.
Dugang pa kara nga ro nasambitan nga patrolman hay naboe- an it mga pictures ag videos samtang nagapartisipar sa pagbueang.
Bangud kara hay anda sigon nga iga-summite sa provincial investigation detective management ro nasambitan nga patrolman ag kung mapamatud-an nga may ginbayolar hay puweding masuspendi ukon ma-dismiss sa anang serbisyo.
Samtang, mag-euwas pa kara hay may gina-monitor man sigon sanda nga pilang ka mga katapo it kapulisan nga nagapartisipar man sa bueang.
