KALIBO, Aklan—Positibo sa gihapon ro pagbatun it sangka policewoman sa pihak nga nagpositibo raya sa deadly virus nga covid-19 samtang nagapadayun sa pagpanerbisyo sa publiko.
Suno kay PSMS Nida L. Gregas, tagapaghambae it Police Regional Training Center 6 nga sa makarun hay dapat nga bukas ro tanan sa nagakatabo sa tunga it ginapangatubang nga pandemya.
Dugang pa kara nga ro pagiging positibo hay makabulig agud nga indi malisdan sa kung ano man nga sitwasyon.
Nauna kara, nakaibahan sigon imaw sa mga gincontact trace matapos nga nagpositibo ro sambilog sa mga pulis sa rehiyon 6.
Bilang pagsunod sa health protocol hay nagpaidaeum sa RT-PCR test maskin nga owa it nabatyagan nga sintomas ukon asyptomatic.
May kaangtanan kara, mabahoe sigon ro anang pagpasaeamat bangud imaw mismo ro nakasaksi sa patinguha it gobyerno para ngasok-ean ro pandemya.
Gin-engganyo man kara ro publiko nga indi magkahadlok nga magpangayo it bulig sa Local government unit ukon LGU kung makabatyag sintomas it covid-19.
Gindugang pa kara nga indi dapat nga magkahuya ag isipon ro ikaayong eawas bangud una gid permi ro suporta it gobyerno.
