KALIBO, Aklan— Nag-angkon it grabeng kasamaran ro sangka saeakyan matapos nga sumunggab sa concrete post sa bahin it Kalibo-Numancia Bridge partikular sa national highway nga sakop it Brgy. Bulwang, Numancia.
Suno kay P/Lt. Joven Vega it Numancia Police Station, ginkilaea ro driver nga si Junemar Regidor y Largo, 33-anyos ag residente it Brgy. Pook, Kalibo.
Base sa andang inisyal nga imbestigasyon, paadto sa direksyon it banwa it Kalibo ro saeakyan kon sa siin ginpahayag sigon it driver nga may gulping nag-overtake kana nga motorsiklo ag gin-cutting pa ro anang daean.
Bangud kara, gilayon sigon nana nga nakabig ro manibela it saeakyan agud likawan nga maabot ro motorsiklo rason nga sumunggab raya sa concrete post.
Bangud kara, gin-abisuhan nanda ro driver nga magpamedical check-up samtang ro insidente hay padayon pa nga ginaimbestigahan it pulisya.
