KALIBO, Aklan—Nagapadayun pa ro imbestigasyon it Kalibo Municipal Police Station agud nga matumod kon may foul play ro pagkamatay it sangka senior citizen nga nasapwan nga owa eon it kabuhi sa sueod it anang baeay bandang alas-8 kaina it agahon sa Purok 3, Barangay Tinigao, Kalibo.
Sa inisyal nga imbestigasyon it kapulisan, nakita eon lang sigon it anang mga kaeapitbaeay ro biktimang nakilaea kay Efren Nalaunan nga nagahamyangon maeapit sa pwertahan it anang baeay sa nasambit nga lugar.
Ginpahayag dugang nga pilang adlaw eon nga nakaexperiensiya it eagnat ro biktima , kun sa siin nakataeana nga igapaidaeum sa antigen test.
Kaibahan nana sa anang baeay ro anang gumankon , apang makabig nga “individual with special needs”.
Trabaho sigon it biktima ro taga-alaga it kasapatan it anang kaeapitbaeay kapareho it baka ag kanding.
Ro bangkay it biktima hay natigayon eon nga gindaea sa sangka punerarya.
