KALIBO, Aklan—Ginpaidaeom it lokal nga gobyerno it Buruanga ro Sitio Binaliw sa surgical lockdown halin Mayo 18 hasta it Hunyo 2, 2021.
Suno kay Buruanga mayor Concepcion Labindao, ro nasambit nga tikang hay agud nga inde eon magkalhit ro deadly virus sa komunidad.
Tinamaan sigon it covid-19 ro daywang ka pamilya kon sa siin nakaangkon pa ro mga raya it sintomas it deadly virus rason nga ginpakamayad nanda nga ibutang ro lugar sa surgical enhanced community quarantine.
Sa ginpatigayon nga contact tracing, kapin sa 86 ka mga indibidwal ro ginakabig nga low risk contacts kon sa siin gin-abisuhan ro mga raya nga inde anay magpinanaw.
Ro banwa it Buruanga hay may kabilugang 25 nga kaso it deadly virus kon sa siin 15 pa kara ro nagapabilin nga nagapamayad.
