KALIBO, Aklan—Uman nga ginpamatud-an it nagviral nga turista ro kanami ag katawhay it Isla it Boracay.
Suno kay Mr. Lenmar Davidon, tumandok it Bacolod City ag nagviral bangud sa anang pagpa tarpaulin it anang QR code sa pagbisita sa Boracay nga ‘worth it’ ro anang naging bakasyon ag birthday celebration sa ginakabig nga ‘one of the best Island in the world’.
Ginapahayag dugang nga mabahoe eun ro naging pagbag-o sa lugar ag mas na-enjoy nana ro andang pagtinir it pilang adlaw samtang nagapamantaw it malipmyo nga tubi ag puti nga baeas.
Indi man kara matago ro anang pagkahilig sa kakaibang sunset nga makit-an sa Isla.
Samtang, bangud sa pandemya, mabahoe man ro nagbag-o sa mga nakasanayan it mga tursita kung magpadueong sa Boracay.
Kaibahan eun kara ro pagsunod sa mga health protocol agud nga matapna ro padayun nga pagkalhit it covid-19 virus.
Apang owa it makapugong sa mga turista nga makapagbakasyon ag sambilog eun karun si Mr. Davidon nga suno kana hay sa mga datong oras hay gusto eamang nana nga makapag-relax matapos ro masako nga schedule sa trabaho.
Napagdesisyunan nana nga magpadueong sa boracay antes mag-abot ro anang birthday kaibahan ro pilang ka mga maeapit nga barkada.
Maskin nga bukon it reqiured ro RT-PCR test sa mga turista maghalin sa Panay Island hay nagpa swab sigon imaw para makasiguro.
Apang owa naging madali ro anang pagpanaw bangud sa ginapatuman nga protocol.
Mas nalisdan sigon imaw sa pagbo-oe it QR code nga kinahangean ipakita sa pagsuod sa Isla ag kamatuoran sigon hay eubos ro anang pagkabaeak bangud sang adlaw eun lang antes ro anang pagpadueong sa Isla ag anang nabatun ro anang QR code.
Bangud kara hay napadesisyunan nana nga ipa tarpulin raya.
Ro anang desisyon hay daea sigon it anang naagyan nga kalisod sa pagproseso kara kamana man nga maipakita ro anang eubos nga kalipay.
Pag-abot sa lugar hay nakibot ro anang mga barkada ag ro mismong mga validating team sa caticlan jetty port matapos nga ilantad kara ro anang bitbit nga tarpulin kun sa siin makitn- an ro anang QR code.
Bangud sa hibato hay napukaw ro atensiyon it mga netizen ag naghakot man it nagkaeain eain nga reaksiyon sa social media.
Nasayuran nga si Davidon hay ginfeature man it mga local ag national media.
