Lima pa nga mga incoming cabinet members ukon top officials ni President-elect Ferdinand Marcos jr. Ro gin-anunsiyo eon it anang spokesperson nga si Atty. Trixie Angeles.
Magatindog nga sekretaryo it Presidential Management Staff nga magaserbing “in-house think tank” hay si dating Manila Rep. Naida Angping.
Samtang ro masunod nga maging Tourism secretary hay si Liloan Cebu Mayor Christina Frasco nga nagatindog bilang spokesperson ni Vice President-elect Sara Duterte-Carpio.
Una eon nga gin-amin ni Mayor Frasco nga indi nana maaywanan ro anang mga constituents kapin nga sa pangatlo ag ulihing termino eon imaw sa pagka-alkalde matapos nga magdaog sa katatapos eamang nga eleksyon.
Samtang, maging Department of Information and Communications Technology (DICT) secretary man it Marcos administration si Atty. Ivan John Enrile Uy.
Ro broadcaster nga si Erwin Tulfo hay na-appoint man bilang incoming DSWD secretary.
Mataeopangdan nga nauna eon nga nagkainitan sa tunga nanday Tulfo ag presenteng DSWD secretary ag ret. Gen. Rolando Bautista bangud sa owa sigon raya nagapa-interview.
Sa pihak nga parte,ginpakilaea man ni Marcos si Amenah Pangandaman bilang ana nga maging Budget secretary.
Si Pangandaman hay ro presenteng Bangko Sentral ng Pilipinas assistant governor, ag dati eon man imaw nga nagserbi blang undersecretary ag assistant secretary it DBM.
