KALIBO, Aklan–Nagapabilin nga malinong ro selebrasyon it paskwa sa bilog nga probinsiya it Aklan.
Raya ro naging initial assessment ni P/Col. Crisaleo Tolentino, provincial director it aklan police provincial office ukon APPO.
Owa man suno kana it anuman nga insidente nga nailista may kaangtanan sa selebrasyon.
Nagaeaum si Col. Tolentino nga magiging malinong sa masunod nga mga oras ro bilog nga probinsiya hasta sa pagsug-aeaw it bag-ong dag-on.
Mas pa sigon nga ginpabaskog nanda ro police visibility sa mga lugar nga ginadagsa it publiko partikular sa mga Simbahan, malls, tindahan, terminal it bus, pantalan ag iba pang lugar nga ginapamasyaran.
Angot kara, nagapabilin suno kana nga naka heightened alert status ro bilog nga pwersa it PNP eabi eon sa anibersaryo it pagtukod it Communist Party of the Philippines ukon CPP sa Dec. 26 kun sa siin ginaeauman it gobyerno nga pagadunganan raya it mga pag-atake it mga rebelde.
Samtang, ginpaabot pa ni Tolentino nga nakikipagbueuligan ro nagkaeain-eain nga municipal police stations sa lokal nga gobyerno angot sa lugar nga pagabutangan it mga baealigyaan it paeupok agud nga masiguro ro kaeowasan it publiko.
Ginautukan man sigon nanda ro mga illegal nga nagabaligya it paeupok.
Ginpadumdum pa nana nga padayun ro andang pagbantay sa mga nagaeabag sa health and safety protocol eabi eon sa mga ginapatigayon nga family gathering.
