Nagpanawagan si Senador Risa Hontiveros sa Malacañang nga ipatawag si Chinese Ambassador to the Philippines Jing Quan para ipahayag ro pagbaeabag it Pilipinas sa AI-generated video it China Daily nga naga-salarawan sa mga Pilipino bilang mga amo ag naga-kutya sa 2016 arbitral ruling sa West Philippine Sea.
Ginkondena it senador ro racist propaganda sigon it China ag ginpamilit nga indi dapat mata-matahon ro mga Pilipino ukon isalarawan ro pagdepensa it nasyon sa pambansang interes bilang “colonial subservience.”
Ginsuportahan man ni Hontiveros ro panawagan it Department of Foreign Affairs (DFA) nga paeaon ro nasambit nga video ag gin-engganyo ro international community nga mag-ugyon sa pagkondena kara.
Ginpamilit man nana nga nagakadapat nga magpangayo it public apology ro gobyerno it China sa mga Pilipino ag ginhambae nga ro mga banggi-anay sa tunga it mga nasyon hay dapat solusyunan sa paagi it diplomasya, kamatuoran, ag international law, bukon it propaganda.
