KALIBO, Aklan—Pormal eon nga nagpanumpa si Loren Legarda bilang senador sa tinubuan kara nga probinsya it Antique.
Sa inagurasyon nga ginpatigayon, gin-alsa nana ro anang alima sa atubang it libo-libong mga Antiqueños nga nagsuporta sa anang pagdaeagan ko nagtaliwan nga May 9 national and local elections.
Mismong si Punong Barangay Macario Bagac it Mag-aba, Pandan, Antique ro nagpasumpa kay Legarda.
Sa anang diskurso, gin-insister kara ro mga laye nga anang nahimo sa sueod it dekada nga pagpanerbisyo maghalin kat naging kongresista it Antique hasta nga naging senadora sa sueod it tatlong termino.
Makaron nga dag-on sigon ro anang pagmarka it ika-22 anyos nga pagiging mamalidha kon siin ginpasiguro kara nga sa anang pagbalik it senado hay maabo pa ro anang laye nga maipasa bukon eamang it para sa anang tinubuan nga probinsya kundi maging sa bilog nga nasyon.
Nagapahaom eon man sigon imaw sa mga panibag-o eon man nga hangkat sa kon paano maipatuman it husto ag mataw-an it ngipon ro mga laye nga anang naipasa kon siin nareyalisar kara nga maabo gihapon nga mga Pilipino ro uhaw sa serbisyo it gobyerno.
