Gin-aprubahan eon it Senado sa pangatlo ag ulihing pagbasa ro proposisyong pondo nga P5.268-trillion para sa masunod nga dag-on.
May kabilugang 21 Senador ro bumoto it pabor sa 2023 General Appropriations Bill (GAB) ag owa it nagpamaeabag.
Bangud ro nasambit nga proposisyon hay naunang na-certify bilang urgent ni Pangueong Ferdinand “Bongbong” Marcos Jr., kung siin ginapasugtan ro Senado nga aprubahan ro hagna sa pangaywa ag pangatlong pagbasa sa parehong adlaw.
Ro pag-apruba it Senado sa bersiyon kara sa pambansang pondo hay sang dominggo makataliwan nga aprubahan it kamara ro gindihon nga badyet para sa tanan nga ahensya it gobyerno matapos ro andang mga debate ag interpelasyon.
Ro proposisyong pondo para sa masunod nga dag-on ghay 4.9% nga mas mataas kumpara sa P5.024 nga pondo makaron nga dag-on.
Prayoridad sa 2023 proposed budget ro edukasyon, imprastruktura,ikaayong eawas , agrikultura ag social protection.
