Ginapakasuhan it National Prosecution Service sanday Shiela Guo nga sigon hay igmanghod ni dismissed Bamban, Tarlac Mayor Alice Guo ag Cassandra Li Ong nga sigon hay nagatindog nga authorized representative it sinalakay nga POGO hub sa Porac, Pampanga.
Suno sa ahensya, ro kasong gindihon sa daywa hay pag-eabag sa Article 150 it Revised Penal Code for Disobedience to Summons nga gin-isyu it senado.
Kaibahan man sa mga ginrekomenda nga kaso hay may kaangtanan sa paggamit it pekeng passport.
Kung matandaan ginkumpirma it National Bureau of Investigation ku nagtaliwan nga dominggo nga si Shiela Guo hay nakabueo it Philippine passport sa ilegal nga pamaagi.
Samtang, sa naging pag-atubang ni Shiela Guo sa pagpamati sa senado kahapon, inako kara nga imaw hay gin-unga sa China ag bukon it sa Pilipinas.
Nag-abot sigon imaw sa nasyon ku 2001 samtang nagapangatubang raya sa deportation case para sa pagiging undesirability and misrepresentation alien kara.
Ginsugo man it National Prosecution Service ro pagdihon it kaso kontra kay Cassandra Ong bangud sa naging disobedience kara sa summons nga ginpaguwa it manabang kapulungan it kongreso.
Mapangatubang man si reklamong obstruction of justice for harboring, concealing, or facilitating the escape of a criminal offender nga may kaangtanan gihapon sa ilegal nga pagguwa it nasyon ni Alice Gou.
Ginrekomenda man it NPS sa NBI ro kasong falsification ag iba pang mga ahensya it gobyerno para sa andang bilugon nga kaso.
