KALIBO, Aklan—Gin-engganyo it Simbahang Katolika ro publiko nga pwedeng magtambong sa mga misa sa andang natungdan nga mga Chapel sa maabot nga Oktubre 31 agud nga mag-offer it mass intention ukon pangamuyo para sa mga mahae sa kabuhi nga nagtaliwan eon.
Raya hay matapos nga imandu it uman it national inter-agency task force for the emerging infectious diseases ro pagpasarado sa mga sementeryo umpisa oktubre 29 hasta nobyembre 2 bangud sa covid 19 pandemic.
Suno kay Fr. Jeffrey Jimenez it St Jude Thaddeus Church nga pwede man sanda nga makapatigayon it misa sa Nobyembre 1 ag 2.
Tuyo sigon it fiesta minatay nga dumdumon ro mga mahae sa kabuhi nga nagtaliwan eon nga nagakinahangean it dugang nga pangamuyo kamana man ro mga ginakabig nga mga santo bangud sa andang mga mayad nga binuhatan kat buhi pa.
Dikara man sigon nga tiempo nagahaead it bueak ag nagasindi it kandila agud nga ipakita ro aton nga pagpalangga ag pagdumdum kanda.
Gindugang pa kara nga anuman nga adlaw maskin nga bukon it pista minatay hay pwedeng makabisita sa mga sementeryo kun sa siin ro importansiya kara hay mapangadi-an ro kaeag it mga nagtaliwan.
