KALIBO, Aklan—Kinahang-ean nga ro magairal nga laye hay magahalin sa kongreso agud nga tayuyon ro implementasyon kara ag inde basta-basta mabali.
Raya ro naging opinion ni Rev. Fr. Atty. Jude Rebaldo, kora paroko it St. Isidore The Farmer Parish Church sa banwa it Nabas angot sa ginpaguwa nga Executive Order ni Pangueong Ferdinand Marcos Jr. para opisyal nga bawaean ro operasyon it Philippine Offshore Gaming Operations.
Baeantayan suno kana kon paano raya iimplementar it mga natungdan bangud nga Executive Order eamang ro ginpaguwa ag posibleng mabali it mga masunod nga presidente nga magapungko.
Apang sa pihak kara, ginapanindugan it simbahang katolika nga ro tanan nga klase it gambling hay bukon it manami bangud nga ro epekto kara hay maeain eagi rason nga ginakontra gid raya it simbahan.
Nasayuran nga ro Executive Order-74 nga pirmado it Presidente hay ginpaguwa pilang buean matapos hambaeon nga ro mga Philippine Offshore Gaming Operators hay may una eon lang hasta katapusan it dag-on para makahalin.
Mag-eowas sa Philippine Offshore Gaming Operators, kaibahan man kara ro pilang klase it Internet Gaming.
