KALIBO, Aklan–Makabig nga sangka manami nga balita ro pagiging opisyal nga laye it proposisyon nga pagpataas it bueanan nga social pension it mga indigent senior citizen halin P500 hay P1,000 eon makaron.
Suno kay Kalibo Sangguniang Bayan member Augusto Tolentino, Chairman it Committee on Senior Citizen nga ginakalipay nana ro pag-apruba sa nasambit nga proposisyon.
Indi eon sigon raya mag-agi sa alima it Department of Social Welfare and Development (DSWD) bangud nga ro National Commission of Senior Citizen eon ro magadumaea it implementasyon ag pagpanupod it social pension para sa mga senior citizen.
Kwalipikado sa programa ro mga indibidwal nga naga-edad 60 anyos pataas ag bukon it GSIS ag SSS pensioner.
Madumduman nga ko buean it Mayo kat gin-aprubahan it Senado sa ikatlo ag ulihing pagbasa ro nasambit nga proposisyong laye nga gin-adopt it House of the Representatives.
