Sa tunga it paeag it pagtaas it presyo it langis tuga it kinagamo sa Middle East, ginsuhestiyon it Philippine Solar and Storage Energy Alliance ro pagbilog it sangka “solar reserve” bilang alternatibo ag dugang nga proteksyon kontra sa posibleng kakueangan sa suplay it langis.
Tuyo it proposisyon nga paeaparon ro paggamit it rooftop solar systems agud nga mabawasan ro pagdepende it nasyon sa gina-import nga langis para sa paghimo it kuryente.
Suno sa grupo, mas matipid ro pag-invest sa solar energy bangud nga nagakinahangean eamang raya it paunang subsidiya halin sa gobyerno ag pwede eon nga makatau it kuryente sa sueod it maabung dinag-on.
Kadungan kara, ginasueong man ro pagbilog it strategic petroleum reserve nga magasirbing reserbang suplay it langis nga pwedeng gamiton it nasyon sa sueod it indi maganaba sa 30 diyas engkaso nga makaangkon it pagkabaeaka sa pangkalibutanon nga suplay.
Nagapati ro PSSEA nga ro pagpaeapad it solar power hay makabulig sa pagpabaskog it seguridad sa enerhiya it nasyon ag makatau it mas matibay nga panagang kontra sa mga epekto it pangkalibutanon nga krisis sa langis.
