Ginaingganyo ni Manila Representative Rolando Valeriano ro mga potensiyal nga whistleblowers kaangot sa “misuse funds” it OVP nga eumantad ag isugid ro mga nasayuran nga impormasyon kaangot saea nga paggamit it pondo ni Vice President Sara Duterte.
Ginhimo ni Valeriano ro panawagan sa hearing it House Committee on Good Government and Public Accountability nga nag umpisa kahapon. Suno kay Valeriano nga impportanti ro mga impormasyon, ebidensiya ag testimonya it mga whistleblowers kapin eon sigon sa OVP socioeconomic programs.
Sa anang privilege speech, ginpaambit ni Valeriano nga nagatao it kabaeaka ro kakueangan it transparency sa kung paano ginastos it OVP ro bilyong piso para sa socio-economic programs. Gin-ayat man ni Valeriano ro OVP nga magpakita it pruweba angot sa socio-economic programs kara nga naka pokus sa Metro Manila.
Ginbatikos man it kongresista si VP Sara bangod sa pagpamalibad kara sa pagpamalibad nga magsabat sa mga pangutana angot sa hearing it proposal fund it OVP para sa fiscal year 2025. Padayon nga nagapanindugan si VP Sara kat ginpaubaya kay Speaker Martin Romualdez ro pondo it anang opisina.
