POLICE Report — Arestado ro sangka South African national bangud sa paghana nga magpaeusot it ilegal nga droga nga nagabalor it P35.8 milyon sa nasyon pinaagi sa Ninoy Aquino International Airport (NAIA) sa Pasay City.
Raya ro ginkumpirma it Philippine National Police Drug Enforcement Group (PDEG).
Ginpahayag ni PDEG chief Brig. Gen. Eleazar Matta nga ro 35-anyos nga babayeng suspek hay nadakpan sa ginpatigayon nga operasyon it mga miyembro it NAIA Interagency Drug Interdiction Task Group sa international arrival area it Terminal 3 it paeuparan bandang alas- 7:30 gabi-i it Martes.
Nabo-oe sa suspek ro sangka transparent plastic sachet nga may sueod nga masobra sa 5.2 kilo it ginadudahan nga shabu.
Gindaea ro mga narekober nga iligal nga droga sa Philippine Drug Enforcement Agency para sa dokumentasyon ag mga pamaagi it disposisyon.
Magapangatubang ro suspek sa kasong pageabag sa Republic Act (RA) 9165 (Comprehensive Dangerous Drugs Act of 2002) ag RA 10863 (Customs Modernization and Tariff Act).
