KALIBO, Aklan—Nagapabilin nga bilog ag hantop sa tagipusuon ro pagsuporta ni Aklan 1st District Sangguniang Panlalawigan Member Atty. Harry Sucgang sa kandidatura it magmaeanghod nga sanday dating Kalibo Mayor William Lachica nga magapailihir bilang gobernador it probinsiya ag incumbent Mayor Emerson Lachica nga uman nga magapailihir bilang alkalde sa banwa it Kalibo.
Suno kay Sucgang nga maskin ginsikway imaw it anang dating partido hay indi sa gihapon imaw mag-atras sa anang pag-kandidato bilang kongresista it unang distrito sa nagahilapit nga 2022 national and local elections.
Sa pihak kara, ginklaro man ni Sucgang nga indi nana pagpabay-an ro anang mga igbata nga Lachica.
Madumduman nga ginbatun eun ni Sucgang ro Chairmanship it partidong Aksiyon Demokratiko para maging representante it partido sa probinsiya.
May kaangtanan kara, anang ginhingyo ro anang mga supporters nga respetuhon ro anang naging desisyon.
