Sa idaeum makaron it grabeng init it paniempo ro Spain matapos maeksperyensiyahan ro first official heatwave makaron nga 2026, kun sa siin naga-abot sa masobra sa 40 degrees Celsius ro temperatura sa Madrid.
Suno sa mga report, maabung turista ag lokal nga residente ro nabudlayan nga maka-adopt sa sobrang init, eabi eon sa mga matawong lugar kapareho it El Rastro flea market.
Nasayuran nga may pilang turista man nga nagagamit pa it portable electric fan ag nagsuksok it puting eambong agud nga maskin paalin hay mapahagan-hagan ro init samtang nagatikang.
Suno sa Spanish weather agency, 13 sa 17 rehiyon sa Spain ro una sa orange heat alert, samtang ro Basque Country hay nakaka-eksperyensiya it red alert, pinakamataas nga paandam bangud sa grabeng init.
Ginaeauman nga magapadayun ro heatwave hasta sa adlaw it Huwebes.
Nagpaandam ro mga awtoridad sa posibleng epekto kara sa ikamayad nga eawas, eabi eon sa mga katigueangan ag mga vulnerable nga grupo, ag sa pagtaas it peligro it mga wildfire.
Bangud sa grabeng init, pilang nasyon sa Europa ro nagpatuman eon man it mga tikang kapareho it paandam sa pag-biyahe, alcohol restrictions, ag pagsarado it pilang public areas kapareho it fan zones sa football events.
