KALIBO, Aklan—Suspindido it daywang dag-on si Spanish football federation president Luis Rubiales matapos nga haruan si football forward Jenni Hermoso kasunod it pagkampeon it nasambit nga nasyon sa FIFA Womens World Cup.
Angot kara, ginpahayag ni Bombo International Correspondent Maria Edzel Lamparero-Lopez it Madrid, Spain nga ginapabalik eon kana it pederasyon ro mga kagamitan kaeakip eon ro laptop ag saeakyan.
Apang, hasta sa makaron hay uwa gihapon raya ginabalik ni Rubiales ag maging ro anang ina hay naga hunger strike sa prente it simbahan bangud nga hugot man nana nga ginapamaeabagan ro desisyon it pederasyon.
Nauna eon nga ginbatikos ni Spain football star Aitana Bonmatí ro presidente it andang football team.
Sa pagbaton ni Bonmati sa UEFA Women’s Player of the Year Award nga natakpan ro ginhimo ni Rubiales sa pag-angkon nanda it kampeonato.
Ginakilaea sigon it European football governing body ro nasambit nga midfielder bangud sa mabahoe nga papel kara para mabueo it Spain ro andang kampeonato sa FIFA World Cup.
