MANILA – Makarang adlaw hay naka taeana ro ikatlong SONA ni Pangueong Marcos kadungan it anang pag-atubang sa ikatlong dag-on sa pwesto.
Apang kadungan it ginahueat nga igahambae it pangueo makarang hapon, balikan naton ro pila sa anang mga ginhambae sa nakataliwan nga SONA nga nagmarka sa anang ikaywang dag-on sa pwesto ro nangin talumpati it pangulo hay umabot it sang oras ag 11 minuto.
Gintaeakay it pangueo ro sari-saring topiko kapareho it ekonomiya, inflation, pagpuhunan, revenue generation, Kadiwa stores, pagpanguma ag pagpangisda, sector it patubi, Build-Better-More program, sektor it enerhiya, ag pagtukod it maabong trabaho o employment sector.
Gintaeakay man it pangueo ro mainit nga topiko dati kaangot sa Military and Uniformed Personnel (MUP) Pension, edukasyon, Science and Technology, healthcare, foreign relations, Tourism, Digitalization, OFWs, Housing, Climate change, Marami rehabilitation, ag iligal nga droga.
Sa idaeom it ekonomiya it nasyon, ginhambae dati it pangueo ro pagtaas it Gross Domestic Product (GDP) nga umabot sa 7.6% halin sa dating 5.7% ko 2021. Ro digital economy it Pilipinas dati hay nahimong makasueod it P2 trillion, haeos 10 porsyento it GDP.
Sa inflation, ginhambae it pangueo ro mabahoe nga pagnaba it inflation sa nasyon halin 8.7% paadto sa 5.4%.
Sa pagpamuhunan, ginhame it pangueo nga top priority it anang administration ro pagtao it tyansa sa mga investors.
Sa mismong SONA hay gin isturya it pangueo ro hasta P1.2 trillion nga investment project para sa unang dag-on it anang posesyon.
Sa idaeom it revenue generation, ginsugid it pangueo ro mas mataas nga koleksyon it mga revenue-collecting agencies it nasyon.Kaibahan kara ro 10% increase sa kita it BIR; 7.4% para sa Customs; 47.9% para sa Philippine Amusement and Gaming Corporation (PAGCOR), ag 20% para sa Philippine Charity Sweepstakes Office (PCSO).
