KALIBO, Aklan—Ginpasakaan eon it kasong 3 counts of murder ro suspek sa pagpatay sa sangka ina ag daywang menor de edad nga unga ko nagtaliwan nga domingo sa San Jose, Romblon.
Ginkilaea ni PSSgt. Van Sixon it San Jose MPS ro suspek nga si Patrick Rufino Cahilig, 35 anyos, residente it Sitio Miason, Brgy. Busay, San Jose, Romblon nga gin-aresto ko Enero 28, 2022.
Ginapatihan nga nagsunggod ro suspek kat pahalinon raya sa trabaho bilang construction worker sa ginapatindog nga baeay it biktimang si Welyn Mendoza Tabuna.
Nasayuran nga si Patrick hay live-in partner it andang tiya nga si Floramie Seraspi.
Madumduman nga ko Enero 26 it aga-aga kat ginapatihan nga natabu ro pagmasaker sa ina ag daywang unga kara nga naga-edad it 9 ag 7 dag-on sa sueod it andang kwarto sa Upper Hinulugan, San Jose sa Carabao island ukon Hambil, Romblon.
Ginasugid nga narekober sa baeay it suspek ro haboe nga puno it dugo nga ginturn-over man it anang live-in partner.
May mga bakas man it dugo halin sa baeay it biktima paagto sa baeay it suspek.
