Sustansiyang   gina angkon it brown rice sa ikamayad nga eawas

Ro  brown rice  ukon  kilaea bilang “unpolished rice” hay sangka white rice nga  owa nag-agi sa  polishing ag owa ginboe-an it bran ag germ layer.

Nasayuran baea ninyo nga  ro bran ag germ layers it bugas hay bugana sa nutrients ag minerals nga mayad sa atong ikamayad  nga  eawas.

Ro   brown rice hay may angkon nga  vitamin B, vitamin H, tocopherol, sangka natural antioxidant, fiber ag biologically active enzymes.

Nakakabulig man ro pagkaon  it  brown rice para mapataas ro sirkulasyon it dugo, mapanaba ro kolesterol ag malikawan ro pag angkon it  stroke ag heart disease.

Nagakabagay man nga kaunon it mga diabetic ro brown rice  agud nga mapabilin  ro  tamang  lebel  it  glucose.