Ginabantayan eon ro uman nga pag-atubang nanday US President Joe Biden ag dating US President Donald Trump sa unang Presidential debates para sa 2024 elections nga igapatigayon sa Atlanta, alas-9:00 it agahon, oras sa Pilipinas.
Ulihing nagkaatubang sa debate stage ro daywa ko 2020 US Presidential elections.
Pila sa mga posibleng isyu nga pagatalakayon sa debate ro angot sa border security ag immigration, abortion rights, isyu sa ekonomiya it Amerika ag concern it mga botante angot sa edad ag ikamayad nga eawas nanday Biden ag Trump.
Mag-eowas kara, ginaeauman man nga pagatalakayon ro mga kontrobersiya nga nagaputos sa daywang presidential candidates kaibahan ro felony conviction ni Trump angot sa hush money payment sa adult film star nga si Stormy Daniels antes ro 2016 election, conviction it onga ni US Pres. Biden nga si Hunter Biden.
Ginaeauman nga magabuhay it 90 minutos ro debate sa tunga nanday Biden ag Trump.
