KALIBO, Aklan–Tatlong ka pamatan-on ro nasikop it mga otoridad matapos nga magpanakaw sa daywang ka mga baraka ag sangka farm sa banwa it Makato.
Suno kay PMaj. Willian Aguirre, hepe it Makato Municipal Police Station nga andang hadakpan ro mga Child in conflict with the Law ukon CICL matapos nga ma-identify sa CCTV camera.
Ro daywang ka mga suspek hay naga edad it 14 anyos samtang ro sambilog kara hay 15 anyos.
Nasayuran nga nabo-oe it mga suspek ro kapin sa 8,000 pesos nga balor it kwarta ag mga alahas kamana man ro an-om ka mga manok nga pangbueang.
Samtang, insigida man sigon nga gin-release ro mga nasambitan nga suspek sa pag-asister it womens and children protection desk ukon WCPD ag department of social welfare ag development office ukon DSWDO.
