Nakaibahan ro tech tycoon ag ginakabig nga pinakamanggaranon nga tawo sa bilog nga kalibutan nga si Elon Musk sa naging pag-istorya nanday US President-elect Donald Trump ag Ukraine President Volodymyr Zelensky sa phone call sang adlaw matapos ro 2024 US Presidential elections.
Ginkumpirma it sangka Ukrainian official nga may direktang kasayuran sa pag-istorya it daywang lider nga nagtawag si Zelensky kay Trump para ipanginbulahan sa anang pagdaog sa US elections ag natyempo man nga kaibahan ni Trump si Elon Musk sa Mar-a-Lago kon sa siin ginsalarawan raya bilang positibo ag cordial conversation.
Nagbuhay ro pag-istorya it 7 minutos apang uwa it gintalakay nga mga polisiya.
Madumduman nga ginsuportahan ni Musk ro kampaniya ni Trump sa kakatapos nga US elections kon sa siin nagtaeana raya it kapin sa $130 million dollars.
Maid-id nga ginatutukan makaron ro interactions it Ukraine leader ag US President-elect matapos ipromisa ni Trump sa anang kampaniya nga gilayon nana nga tapuson ro giyera sa tunga it Ukraine ag Russia sa sueod it sang adlaw.
