KALIBO, Aklan – Gusto it nasyon nga Thailand nga mas mag’angkon pa it maeapad nga kaangtanan kaibahan ro Pilipinas.
Base sa ginpaguwa it Thai Ministry of Tourism and Sports, gusto it gobyerno it Thailand nga mag’angkon raya it kaangtanan sa Pilipinas para mapabaskog ro sektor it turismo ag trabaho.
Sa idaeoom kara gusto it mga Thai officials nga mapa-eapad ro partnership it daywang nasyon sa eain –eain nga patag panguna eun ro mas maabong commercial flights sa tunga it Pilipinas ag Thailand.
Ginakaibahan raya it eain-eain nga Thai destinations kapareho it Phuket, Chiang Mai, ag Samui.
Kaibahan man sa mga lugar sa Pilipinas nga ginakonsidera nga mag’angkon it flight expansion halin Bangkok hay ro syudad it Thai Ministry of Tourism and Sports ag Palawan.
Ro pilang mga opisyal it Thai Ministry of Tourism and Sports hay nagbisita ku nagtaliwan nga dominggo it Hunyo idto sa Pilipinas kadungan it UN Tourism Gastronomy Forum meeting.
Iya hay unang nakipag-istorya ro mga nasambitan nga opisyal kay Department of Tourism Secretary Christina Garcia-Frasco ag ginrekomenda it mga Thai officials ro pag-angkon it sister city tie-up sa tunga it Pilipinas ag Thailand.
