Ro sip-on ukon common cold hay sangka viral infection sa ibabaw nga parte it respiratory tract, ilong ag tutunlan.
Ro senyales kara hay masakit nga tutunlan, ubo ag kun amat , naga-euha nga mga mata, pagbaha-on ag pagpu-ot it ilong.
Kaabuan sa magueang hay nakaka-experiensiya it sip-on it daywa hasta ap-at nga beses sa sueod it sang dag-on.
Sa mga pamatan-on eabi eon sa preschoolers, nakaka-angkon sanda it sip-on 6 hasta 10 beses sa sang dag-on.
Hayra ro pilang tips agud nga indi pagsip-unon.
Mag-inom it maabu nga tubi ag likido.
Mag-higop it sabaw it manok, magpahuway , obrahon nga komportable ro kuwarto, pirmeng limpyuhan ro aircon ag electric fan para malikawan ro pag abu it bacteria ag amag.
Maglimogmog it maeaba-ab nga tubi nga may halong asin sa agahon.
Maggamit it saline spray sa ilong.
Raya hay epektibo ag eowas nga gamiton agud nga maging masoehay ro baradong ilong.
Mag-inom it Vitamin C tablet.
Kaeabanan nga ro sip-on hay nagabuhay eamang it sang domingo hasta daywang domingo.
Kon ro sintomas it sip-on hay mag-grabe, magkonsulta sa doktor.
