Igalunsar eon it British government ro paggamit it bueong ukon medikasyon agud nga mabuhinan ro sex drive it mga priso nga mga sex offenders.
Ro nasambit nga tikang it gobyerno hay agud nga malikawan nga uman nga makahimo ro nasambit nga mga indibidwal it krimen eakip eon ro mga rapists.
Raya hay bangud nga haeos mapuno eon it mga persons deprived of liberty ukon PDLs ro andang mga prisuhan.
Gin-report sa Parliament ni Justice Secretary Shabana Mahmood nga ro pagpatuman nanda it chemical castration hay pagagamiton sa 20 nga mga prisuhan sa daywang mga rehiyon ag paga-obrahon nanda raya nga mandatory.
Suno sa opisyal, nga base sa pagtuon, ro paggamit it chemical castration ro nagadaea it 60 percent reduction sa sangka suspek nga uman nga makahimo it sex offense bangud sa nabuhinan ro andang mga libido ag sexual activity.
Bukon eon raya it bag-o bangud ginagamit eon raya sa mga nasyon kapareho it Germany ag Denmark pinaagi sa voluntary basis, samtang mandatory man raya sa Poland sa pilang mga nakahimo it krimen.
