UKRAINE – Ginpabugae it Ukraine ro naging madinaeag-on nga drone attack sa ammunition depot sa western Russian region it Tver.
Suno sa Security Service it Ukraine nga andang gintarget ro bodega sa Toropets city kung siin raya hay gin-operate it Russian defense ministry.
Ro nasambitan nga bodega sigon hay ginataguan it Russia it andang Iskander tactical missile system, Tochika-U tactical missile system, guided aerial bombs ag artillery ammunitions.
Nagdaea ro nasambit nga drone attack it grabeng sunog ngani naghimo it pilang pagbakwit ro pilang mga residenteng kaeapit it nasunog nga bodega.
Nakabatyag man it pag-uyog sa lugar matapos ro mabaskog nga pagsabog.
Depensa it Ukrainian security forces nga katuyuan it nasambitan nga pag-atake hay para mabuhinan ro missile capability it Russia.
