-- ADVERTISEMENT --
INTERNATIONAL News —- Ginpahayag ni Ukranian President Volodymyr Zelensky nga indi eon nana igapilit nga maging miyembro it NATO para sa Ukraine.
Nasayuran nga sambilog raya sa mga rason kun ham-an nga ginsalakay it Russia ro nasambit nga nasyon.
Mag-eowas kara, ginhambae man ni Zelensky nga bukas imaw nga ma ‘kompromiso’ sa katuyuan it daywang breakaway nga pro-Russian nga teritoryo nga ginkilaea ni Russian Vladimir Putin bilang independent antes pa man nga ginpatuman ro pagsalakay ko Pebrero 24.
-- ADVERTISEMENT --
Ginpamilit it Russia nga owa sanda naila nga mag-sueod ro kaiping nga Ukraine sa NATO, ro trans atlantic nga alyansa nga ginbilog sa pag-umpisa it Cold War agud protektahan ro Europa halin sa Soviet Union.
