-- ADVERTISEMENT --
KALIBO, Aklan–Naging madinaeag-on ro unang adlaw it pag-umpisa it klase sa bilog nga probinsya it Aklan para sa School Year 2022-2023 kahapon, Agosto 22.
Suno kay Dr. Feliciano Buenafe, Schools Division Superintendent it DepEd-Aklan nga owa sanda nakabaton it anumang reklamo ukon aberya sa uman nga pag-umpisa it limited face-to-face classes.
Sa kamatuoran suno kana hay ginakalipay nanda ro maayos nga daeagan it klase pinaagi sa pagbueoligan it mga ginikanan, estudyante, manugturo ag mga kapulisan.
Nasayuran nga nagkaeain-eain nga implementasyon it limited face-to-face classes ro ginapatuman it kada eskwelahan.
Sa makaron, naga-abot sa masobra 135,000 ka mga estudyante ro naka-enroll sa mga pampublikong eskwelahan sa bilog nga probinsya.
-- ADVERTISEMENT --
