Pangkabilugan nga naging matawhay ro unang adlaw it pagbukas it klase sa mga pampublikong eskwelahan sa bilog nga banwa it Kalibo.
Sa ginpaguwa nga statement it Kalibo Municipal Police Station, naging madinaeag-on ro unang adlaw it pagbalik sa eskwelahan it mga estudyante ag uwa it nailistang krimen ukon report nga naipaabot sa andang taeatapan.
Raya hay kasunod man sa madinaeag-on nga preparasyon nga ginpatigayon it Kalibo PNP, sa pagpamuno ni PMaj. Jasson Belciña, OIC chief of police it Kalibo Municipal Police Station sa bulig eon man it nagkaeain-eain nga ahensya it gobyerno ag Force Multipliers kaeakip ro Kalibo Auxiliary Police (KAP), Municipal Disaster Risk Reduction Management Office Kalibo (MDRRMO) Highway Patrol Group Aklan (HPG) Bureau of Fire Station Kalibo (BFP) ag ro Barangay Peacekeeping Action Team (BPAT) it nagkaeain-eain nga Barangay it Kalibo.
Ginsigurado it mga otoridad nga maipatuman ro minimum public health standards protocol against COVID-19 sa publiko para malikawan ro pagkalhit it eabi eon sa mga matawong lugar kaparehas it eskwelahan.
