Nataeopangdan ro paghina it bulto it tawo nga nagsueod sa sementeryo kahapon nga adlaw.
Raya hay matapos nga sangkiri nga numero eamang it mga indibidwal ro nagbisita sa andang mga pinalangga sa kabuhi nga nagtaliwan.
Suno kay Jenny Sulat, Ministry of Ussher and Greaters of parish of St. John the Baptist Cathedral nga posible sigon nga base nagapanglimpyo pa ro mga tawo sa andang tagsa ka panimaeay bangud sa nagtaliwan nga maeapnagong pagbaha tuga it Bagyong Paeng.
Sambilog pa suno kana hay uwa eon it misa nga ginpatigayon sa mga sementeryo kaparehas ko mga unang dinag-on kon siin ro mga misa hay ginpatigayon eon lang sa chapel it mga kabaryuhan.
Ginalikawan sigon kara ro pagginutok it mga tawo bilang pagdahan eon man sa ikaayong eawas it kada isaea bangud nga una gihapon kita sa tunga it pandemya maskin nga naghaeoga eon it husto ro hueag it mga tawo.
