Nakahaom ro Amerika nga magtawo it bulig para sa mga Pilipinong apektado it pagpanaeasa it nagtaliwan nga Super Typhoon Carina.
Ginhimo ni US State Department Secretary Antony Blinken ro pagpaniguro matapos ro andang pag-istorya sa phone ni Department of Foreign Affairs Secretary Enrique Manalo kun siin gintalakay it 2 ro nagahilapit nga 2+2 Ministerial Dialogue nga makaibahan kara sanday Defense Secretary Lloyd Austin ag National Defense Secretary Gilberto Teodoro nga hiwaton sa Maynila.
Sa readout halin sa US State Department, nagpaabot man si Secretary Blinken it pakikisimpatiya sa mga pamilya it namatay pati man sa mga na-displace matapos ro pagpanaeasa it bagyo ag habagat.
Samtang, mag-euwas sa US, nakahaom man ro iba pang nasyon nga magtao it bulig sa Pilipinas kaibahan eun ro China, Japan, Israel, Canada, Romania, Germany, UK ag Australia kadungan ro pagpaabot it andang tagsa-tagsa ka mga Ambassador it mensahe it pakikisimpatiya sa mga apektadong pumueoyo it Pilipinas.
