Ginpaiway ro nakataeanang pag-istorya sa tunga it Estados Unidos ag Iran nga kunta hay pagahiwaton ku adlaw it Biyernes sa Bürgenstock, Switzerland, suno sa Swiss Foreign Ministry.
Ginklaro it Switzerland nga nagapabilin rayang haum nga magserbeng taga-patunga sa dayalogo it daywang nasyon, samtang uwa pa it bag-ong petsa para sa pagpadayon it negosasyon.
Nauna eon nga ginkumpirma it White House nga indi eon mag-adto sa Switzerland si US Vice President JD Vance bangud bukon pa it pinal ro mga plano para sa istorya.
Sa tunga kara, padayon ro 60-diyas nga palugit para sa US ag Iran para tapuson ro kasugtanan nga tuyo nga wakasan ro kinagamo, samtang ginreport nga ro parehong bahin hay naga-bilog pa it mga detalye para sa pagpatuman it nakasugtan nga peace framework.
