Nasungkit it US Gymnastic team ro gold medal sa nagapadayon nga Paris Olympics. Nanguna sa pagdaog it USA Gymnast team si Simone Biles para mabuoe kara ro ikalimang Olympic gold medal.
Kaibahan kara sa koponan sanday Suni Lee, Jordan Chiles ag Jade Carey nga pinainit ro Bercy Arena ag natigayon nga perdihon ro Italy ag Brazil sa team final. Nakumpleto ni Biles ro tanan nga ap-at nga exercises kapareho it vault, uneven bars, balance beam ag floor.
May una eon nga kabilugang waeong beses nga nag intra sa Olympic podium si Biles bangud nagdaog raya it ap-at nga golds ag bronze ko 2016 Rio Games ag silver ag bronze medal man ko 2020 Tokyo Olympics.
Nakataeana pa rayang mag-intra sa ap-at pang final events sa Paris kung siin imaw ro paboritong madaog sa tanan. Nangin star-studded ro manugtan-aw bangod bukod sa asawa karang si NFL star Jonathan Owens hay nagtan-aw man ro actress nga sanday Nicole Kidman, Natalie Portman, Jason Kelce ag tennis star Serena Williams.
