Ginpamilit it legal counsel ni dating House Speaker Ferdinand Martin Romualdez nga uwa it bastante nga basehan para pasakaan imaw it kaso angot it kontrobersiya sa flood control projects.
Suno kay Atty. Ade Fajardo, 32 dating testigo, kaibahan si Orly Guteza, hay umatras sigon sa andang mga alegasyon kontra kay Romualdez.
Ginhambae ni Fajardo nga kaabuan sa mga testigo hay dating tawuhan ni dating Ako Bicol party-list Rep. Zaldy Co.
Uwa man sigon it direktang testigo nga naka-konekta kay Romualdez sa gina-alegar nga paghatod it maleta it kwarta ukon kickback.
Bangud kara, ginhinyo it kampo ni Romualdez sa Ombudsman nga ibasura ro reklamo kontra sa dating Speaker.
Samtang, ginpahayag it Ombudsman nga may una pa rayang 28 testigo nga haum nga mag-tao it direktang impormasyon angot sa imbestigasyon.
