Ginpasaeamatan it Peruvian government nga uwa it namatay sa natabo nga 7.2 magnitude nga linog.
Suno kay Peru Prime Minister Gustavo Adrianzen, nagaguwa sa preliminary reports nga uwa it namatay ag uwa man it naireport nga natabunan ukon naduea kasunod it mabaskog nga linog.
Apang, may una sigon nga waeong naninahan.
Lima kanda hay presenteng sa ospital ag padayon nga nagapamayad samtang ro tatlong nabilin hay nakaangkon eamang it mga minor injuries.
Padayon man sigon nga nakatutok ro gobyerno sa naging impact it linog sa imprastraktura kon sa siin nataeopangdan ro mga building ag karsadang nagkaeaguba ag may mga nahugos.
Nauna eon nga nagpaguwa it tsunami alert ro Pacific Tsunami Warning Center (PTWC) apang ko ulihi hay daeayon man raya nga ginduea.
