Van driver arestado matapos madakpan nga may kargang pilang karton it aeak sa border control checkpoint sa Brgy. Tigayon, Kalibo

KALIBO, Aklan—Arestado ro driver it sangka van  matapos nga madakpan nga may karga nga kinarton it mga aeak sa border control checkpoint sa Barangay Tigayon,  Kalibo.

Karga it van ro  6 nga karton it  aeak nga  ginkumpiska ag  gindaea sa Kalibo Police Station.

Gin-tiketan man  ro driver kara nga si  Raffy Fuentes, 48-anyos it Barangay Libas, Roxas City bangud sa pageabag sa ginapatuman nga liquor ban.

Halin sa banwa it kalibo ro suspek kat madakpan it mga pulis.

Uman nga ginapadumdum it pulisya sa publiko nga bawae gihapon ro pagbakae, pagbaligya ag pagdaea  it mga alcoholic drinks bangud sa ginapatuman nga  General Community Quarantine ukon GCQ  sa probinsiya.