KALIBO, Aklan — Haeos syento porsiyento eon nga haum ro Vikings Tribe it Brgy. Dumga, Makato ag handum nga uman nga maangkon ro kampeonato sa Kalibo Sadsad Ati-Atihan Contest sa maabot nga January 18, 2025.
Ro nasambit nga tribu hay magapasakop sa Tribal Big category kun sa siin ulihi sanda nga nag-kampeon ko 2023.
Suno kay Hark Tesorero, manager it tribu nga mga finishing touches eon lang ro andang ginahimo sa andang mga costume ag sigidas man ro praktis.
Ro andang grupo hay ginaeakipan suno kana it kapin sa 72 nga mga dancers ag haeos 50 nga mga drummers .
Antes nga magapasundayag sa Kalibo Ati Atihan Festival hay magapasakop man sanda sa kaugalingon nga bersyon it Ati Atihan it banwa it Makato sa maabot nga Enero 15 kun sa siin ko nagtaliwan nga dag-on hay sanda ro nag-kampeon.
Ro Kalibo Sadsad Ati-Atihan contest 2025 hay ro pinaka gina-abangan nga event sa Ati-Atihan celebration nga ginapamunuan makaron it Kalibo Ati-Atihan Festival Board (KAFEB).
Kapin sa 34 nga tribu ag grupo ro magapasundayag makaron nga dag-on nga naghalin sa mga banwa it Kalibo, Makato, Ibajay, Lezo, Numancia, ag Malinao.
