Nag-eampas eon sa 400,000 nga litro it langis ro nakolekta it salvor team halin sa nag-eogdang nga MT Terra Nova halin kat umpisahan ro siphoning operations ko Augosto 19.
Base sa datos it salvor team, nahimo nana nga makahaw-as it hasta sa 101,603 nga litro it langis halin sa nag-eogdang nga tanker.
Halin ko Agosto-19, may una eon nga kabilugang 402,042 nga litro it langis ro nahaw-as maghalin sa tanker.
Base sa average, nakahimo ro salvor team nga makasuyog it hasta sa 13,614 nga litro it langis kada oras.
Samtang, ginpasiguro it Philippine Coast Guard nga nababantayan gihapon ro pagtagas it langis sa kaeawran kaibahan eon ro mga naobserbahang oil sheen sa ground zero.
Nauna eon nga ginpahayag it PCG nga posibleng abuton pa it masobra sa daywang dominggo antes daeayon nga mahaw-as tanan ro 1.4 million nga litro it langis nga karga it nasambit nga tanker.
